(ویب ڈیسک)کوئٹہ میں پاکستان سپر لیگ (پی ایس ایل) کے آٹھویں سیزن کے نمائشی میچ میں کوئٹہ گلیڈی ایٹرز نے  پشاور زلمی کو 3 رنز سے شکست دے دی۔

 پشاور زلمی نے کوئٹہ گلیڈی ایٹرز کے 185 رنز کے دیے گئے  ہدف کے تعاقب میں   7 وکٹوں کے نقصان پر 181 رنز بنائے ، پشاور  زلمی کے کپتان بابر اعظم  18 گیندوں پر 23 رنز بنا کر آؤٹ ہوگئے۔ کوئٹہ گلیڈی ایٹرز نے 20 اوورز میں 5 وکٹوں کےنقصان  پر 184 رنز بنائے ، افتخاراحمد  نےکوئٹہ گلیڈی ایٹرز کی طرف سے 94 رنز کی جارحانہ اننگز  کھیلی۔ 

 کوئٹہ گلیڈی ایٹرز  کے کپتان  سرفراز احمد 4 رنز بناکر آؤٹ ہوگئے جبکہ کوئٹہ کے افتخار  94 اور خوشدل شاہ 36 رنز بنا کر نمایاں رہے۔ افتخار احمد نے پشاور زلمی کے وہاب ریاض کے آخری اوور میں 6 چھکے لگا کر  اننگز کو اچھا اختتام دیا۔

  پشاورزلمی کی جانب سے   وہاب ریاض نے تین جبکہ عامر جمال اور اسامہ میر نے ایک ایک وکٹ حاصل کی۔ نمائشی میچ میں پشاور زلمی کے کپتان بابراعظم نے ٹاس جیت کر کوئٹہ گلیڈی ایٹرز کے خلاف  پہلے فیلڈنگ کا فیصلہ کیا تھا۔

 میچ میں افتخار احمد نے پنجاب کے وزیر کھیل وہاب ریاض کے ایک ہی اوور میں 6 چھکے جڑ دیے۔افتخار احمد نے وہاب ریاض کے آخری اوور میں 6 چھکے لگائے جس کے بعد 'افتی مینیا' ٹوئٹر پر ٹاپ ٹرینڈ بن گیا۔

#IftiMania! ????

6, 6, 6, 6, 6, 6 against Wahab Riaz in the last over ????#QGvPZ ???? ???????? ???? pic.twitter.com/iMLYTr7wnp

— Gujjar || Gladiator ???? (@Gujjar_54) February 5, 2023