(مانیٹرنگ ڈیسک) بنگلا دیش کے وکٹ کیپر بیٹر مشفق الرحیم نے ٹی 20 انٹرنیشنل کرکٹ سے ریٹائرمنٹ کا اعلان کر دیا۔
مشفق الرحیم نے سوشل میڈیا پیغام میں ٹی ٹوئنٹی انٹرنینشنل کرکٹ سے ریٹائرمنٹ کا اعلان کرتے ہوئے بتایا کہ 'میں اب ٹیسٹ اور ون ڈے فارمیٹ پر فوکس کروں گا '۔
بنگلا دیشی کرکٹر نے کہا 'میں ٹی ٹوئنٹی انٹرنیشنل سے ریٹائرمنٹ لے رہا ہوں لیکن جب بھی موقع ملا فرنچائز لیگ کے لیے دستیاب ہوں گا، 'دو فارمیٹ میں ملک کی فخر کے ساتھ نمائندگی کرنے کا منتظر ہوں'۔
I would like to announce my retirement from T20 INTERNATIONALS and focus on Test and ODI formats of the game. I will be available to play franchise leagues when the opportunity arrives. Looking forward to proudly represent my nation in the two formats-MR15
— Mushfiqur Rahim (@mushfiqur15) September 4, 2022
واضح رہے کہ مشفق الرحیم نے 28 نومبر 2006 میں زمبابوے کے خلاف ٹی ٹوئنٹی میچز میں ڈیبیو کیا تھا، انہوں نے اپنا آخری ٹی ٹوئنٹی انٹرنیشنل 1 ستمبر 2022 کو ایشیا کپ میں سری لنکا کے خلاف کھیلا، اپنے ٹی ٹوئنٹی کیرئیر میں مشفق نے 102 میچز کھیلے، کرکٹر نے ان میچز میں 1500 رنز کیے۔