زاہد چودھری : سروسز ہسپتال سے ایم آر آئی کنتراسٹ انجکشن چوری کرتا اہلکار رنگے ہاتھوں پکڑا گیا ۔ 
 سکیورٹی انچارج نے شک گزرنے پر ٹیکنالوجسٹ زبیر شکور کی تلاشی لی ، دوران تلاشی اہلکار کے پاس سے 5 انجکشن برآمد  ہوئے۔ جس کے بعد ٹیکنالوجسٹ زبیر شکور کے خلاف مقدمہ کے اندراج کیلئے تھانہ شادمان کو درخواست بھی دیدی گئی ۔ 
ذرائع کا کہنا ہے کہ مریضوں کو انجکشن فراہم کرنے کی بجائے بازار میں فروخت کئے جانے تھے ۔ محکمہ صحت نے ٹیکنالوجسٹ زبیر شکور کو ملازمت سے معطل کر دیا۔