(مانیٹرنگ ڈیسک) وزیر اعظم شہباز شریف نے انٹرسروسز انٹیلی جنس ( آئی ایس آئی) کو پبلک آفس ہولڈرز کی اسکریننگ کا باضابطہ اختیار دے دیا۔
وزیر اعظم شہباز شریف کی منظوری کے بعد اسٹیبلشمنٹ ڈویژن نے نوٹیفکیشن جاری کردیا، نوٹیفکیشن کے مطابق آئی ایس آئی کو تمام اہم افسران کی بھرتی، اہم تقرری اور پروموشن کیلئے اسپیشل ویٹنگ ایجنسی کا درجہ دے دیا گیا جس کے تحت سرکاری افسران کی تعیناتی، تقرری اور ترقی خفیہ ایجنسی کی جانب سے کی گئی اسکروٹنی کے بعد ہوگی, سرکاری افسران کی ترقی و تعیناتی آئی ایس آئی کی رپورٹ سے مشروط کردی گئی۔
ذرائع کا کہنا ہے کہ افسروں کی اہم اور عوام الناس سے متعلقہ عہدوں پر تعیناتی سے قبل آئی ایس آئی کی انٹیلی جنس اسکریننگ رپورٹ پیش کرے گی۔