سٹی42: عیدالفطر پرمعمولی خلاف ورزی پرچالان نہیں ہونگے، ہمیشہ کی طرح ٹریفک وارڈن نےاس عید پر بھی شہریوں کوخوشخبری سنا دی، صرف ہیلمنٹ کی خلاف ورزی اور ون ویلنگ پر چالان کیےجائیں گے۔

تفصیلات کے مطابق ٹریفک پولیس نےعید الفطر کےتینوں روز میں وارڈنز کو معمولی نوعیت کی خلاف ورزی پرچالان کرنے سے روک دیا ہے، ٹریفک پولیس کا کہنا تھا کہ شہر میں ستر فیصد ٹریفک میں کمی آجاتی ہےجس کے باعث قوانین کی خلاف ورزی میں بھی کمی واقع ہوتی ہے۔ اسی صورتحال کو مدنظر رکھتے ہوئے چالان پالیسی میں نرمی کی گئی ہے، دوسری جانب ٹریفک پولیس کا یہ بھی کہنا تھا کہ ون ویلنگ اور ہیلمنٹ کا استعمال نہ کرنے والوں سے سختی سےنمٹا جائےگا۔

جبکہ رانگ پارکنگ اور کم عمر ڈرائیورز کےخلاف بھی کارروائی کا سلسلہ جاری رہے گا۔