ویب ڈیسک: مری اور گلیات میں برفباری بدھ تک جاری رہنے کا امکان ظاہر کیا گیا ہے جبکہ اسلام آباد کی ہوا میں نمی کا تناسب 87 فیصد اور کم سے کم درجہ حرارت چھ ڈگری سینٹی گریڈ ہے۔
گلیات ڈویلپمنٹ اتھارٹی کے ترجمان نے کہا ہے کہ علاقے میں دو انچ برف پڑ چکی ہے اور سڑکوں کو صاف کرنے کا سلسلہ جاری ہے۔ انہوں نے خبردار کیا کہ سیاح سڑک پر سفر کے دوران گاڑیوں کے ٹائرز کے گرد چین باندھیں۔ ایبٹ آباد مری روڈ کو برفباری رکتے ہی ٹریفک کے لیے بحال کر دیا جائے گا۔
مری روڈ بھی کئی جگہ شدید برفباری کے باعث ٹریفک کے لئے بند ہے تاہم اسے کلئیر کیا جارہا ہے۔ جبکہ 30 ہزار گاڑیاں مری ایکسپریس وے پر موجود ہیں اور ٹریفک جام ہے۔ شہر کے درجہ حرارت کی بات کریں تو نقطہ انجماد سے گر چکا ہے۔
Travel Advisory for Murree.#Snowfall #Murree @RwpPolice pic.twitter.com/UiVWoTm8WV
— City Traffic Police, Rawalpindi (@ctprwp) January 4, 2022
دوسری جانب سیاحوں کے ساتھ ساتھ بندروں نے بھی ملکہ کوہسار کا رخ کرلیا ہے، سرد موسم کو انجوائے کرتے ہوئے بندر کیری ڈبہ میں بیٹھ کر سہانے موسم کا لطف اٹھاتے دکھائی دے رہے ہیں۔
