گلگت بلتستان میں 12 سکولوں کو جلانے کا واقعہ، چیف جسٹس نے نوٹس لے لیا

11:28 AM, 4 Aug, 2018

(ملک اشرف) چیف جسٹس آف پاکستان جسٹس میاں ثاقب نثار نے گلگت بلتستان   میں 12 سکولوں کو نذر آتش کرنے کے واقعہ پر ازخود نوٹس لے لیا۔

تفصیلات کےمطابق چیف جسٹس آف پاکستان جسٹس میاں ثاقب نثار نے12 سکولوں کو نذر آتش کرنے کے واقعہ پر ازخود نوٹس لیتے ہوئے 48 گھنٹوں میں واقعہ کی رپورٹ طلب کر لی، سپریم کورٹ نے سیکرٹری داخلہ اور سیکرٹری گلگت بلتستان و کشمیر افیئرز کو نوٹس بھی جاری کر دیئے ہیں۔

واضح رہے کہ گزشتہ روز گلگت بلتستان میں شرپسندوں نے لڑکیوں کے درجنوں اسکول تباہ کر دئیے، اسکولوں میں توڑ پھوڑ کی، متعدد کو آگ لگا دی، دو اسکولوں کو بارودی مواد سے اڑا دیا۔

مزیدخبریں