سٹی42: اراکین اسمبلی کی تنخواہوں کا نظرثانی بل کب پیش ہوگا؟ کسی کو کچھ پتا نہیں، نظرثانی بل آنیوالے اجلاس میں پیش کیا جائے گا یا نہیں، فیصلہ نہ ہوسکا، اراکین اسمبلی کاتنخواہیں برقرار رکھنے کے لیے وزیراعظم کو خط لکھنےکا فیصلہ۔

تفصیلات کے مطابق اراکین اسمبلی کی تنخواہوں کا نظرثانی بل اسمبلی میں کب پیش ہوگا، حکومت فیصلہ نہ کرسکی ہے، ذرائع کا کہنا ہے کہ اراکین اسمبلی کی تنخواہیں بھی کم کرنا ہے یا نہیں، اس بات کا بھی فیصلہ نہیں ہوسکا ہے۔ تاہم اراکین اسمبلی اپنی تنخواہیں بڑھانے کے معاملے پر ایک مرتبہ پھر وزیراعظم سےرابطہ کرنے کی کوشش کررہے ہیں، ذرائع کا کہنا ہے کہ اراکین اسمبلی وزیراعظم کو اس معاملے پر خط لکھ رہے ہیں جس میں موقف اختیار کیا جائے گا کہ وہ نظرثانی بل میں اراکین کی تنخواہیں برقرار رکھیں اگر بڑھانی نہیں تو کم از کم دیگر اسمبلیوں کے برابر کردی جائیں۔