(سعید احمد) بابا گرو نانک کے550 ویں جنم دن کی تقریبات میں شرکت کے لیے 178 سکھ یاتریوں کا پہلا جتھہ لندن سےلاہور پہنچ گیا۔
لندن سے آنے والے سکھ یاتریوں کا لاہور ایئرپورٹ پر پی آئی اے کے سٹیشن مینجرعلی اصغر زیدی اور مینجر تعلقات عامہ اطہر اعوان نےاستقبال کیا،ترجمان پی آئی اے کے مطابق چیف ایگزیکٹو آفیسر ائیر مارشل ارشد ملک کی ہدایت پر یاتریوں کی سہولت کے لئے ایئرپورٹ پر خصوصی انتظامات کیے گئے، سکھ یاتریوں کو پی آئی اے کی جانب سے پھول اور مشروبات پیش کیے گئے۔
ذرائع کے مطابق پی آئی اے کی ٹیم یاتریوں کی سہولت کے لئے لندن اور لاہور ایئرپورٹ پر موجود تھی، سکھ یاتریوں نے بھی پی آئی اے کے انتظامات کوسراہا۔