علی رامے: وفاق میں سرکاری ملازمین کی تنخواہوں میں 15 فیصد اضافے کے بعد پنجاب کے ملازمین نے بھی کمر کس لی، ایپکا کا ٹھوکر نیاز بیگ پر احتجاجی مظاہرہ ،وزیراعلیٰ پنجاب کا پتلا بھی نذر آتش کردیا گیا۔
وفاق میں سرکاری ملازمین کی تنخواہوں میں اضافے کے بعد پنجاب کے ملازمین بھی میدان میں آگئے ہیں ،ایپکا حاجی ارشاد گروپ کی جانب سے " جاگ اے جاگ سرکاری ملازم " کے نام سے لاہور میں احتجاجی مظاہروں کا اعلان کیا گیا ہے۔جس کے تحت آج ٹھوکر نیاز بیگ پر تمام صوبائی محکموں کے ملازمین نے بھرپور احتجاج ریکارڈ کرایا۔مظاہرین نے وزیر اعلی پنجاب عثمان بزدار کا پتلا بھی نذر آتش کیا ۔
ٹھوکر نیاز بیگ :تنخواہوں میں اضافہ نہ کرنے پر سرکاری ملازمین کی جانب سے وزیر اعلی پنجاب کا پتلا بنا کر نذر آتش کیا گیا ۔۔ pic.twitter.com/CZdvNGDFsD
— Ali Ramay (@AliRamay557) March 3, 2022
احتجاجی مظاہرین نے تنخواہوں اور پنشن میں اضافے کا مطالبہ کیا اور ریٹائرمنٹ پر گروپ انشورنس،سکیل ریوائز،عارضی ملازمین کی مستقلی کے لیے بھی صدائے حق بلند کی گئی۔ واضح رہے کہ ایپکا نے حکومت پنجاب کو 28 فروری کی ڈیڈ لائن دی تھی۔