ویب ڈیسک : وزیراعظم عمران خان کی سابق اہلیہ ریحام خان نے دعویٰ کیا ہے کہ ان کی گاڑی پر گذشتہ شب اسلام آباد میں فائرنگ کی گئی ، پولیس نے درخواست پرمقدمہ درج کرلیا۔
ٹوئٹر پر پوسٹ کیے گئے اپنے سلسلہ وار پیغامات میں ریحام خان نے دعویٰ کیا ہے کہ اتوار کی شب ایک قریبی عزیز کی شادی سے واپسی پر ان کی گاڑی پر فائرنگ کی گئی اور موٹر سائیکل پر سوار دو افراد نے اسلحے کے زور پر گاڑی روکی۔
ساتھ ہی انہوں نے سوال کیا: ’کیا یہ ہے عمران خان کا نیا پاکستان؟ بزدلوں، ٹھگوں اور لالچیوں کی ریاست میں خوش آمدید!‘
On the way back from my nephew’s marriage my car just got fired at & two men on a motorbike held vehicle at gunpoint!! I had just changed vehicles.
— Reham Khan (@RehamKhan1) January 2, 2022
My PS & driver were in the car. This is Imran Khan’s New Pakistan? Welcome to the state of cowards, thugs & the greedy!!
Shams Colony Station Islamabad application submitted. Awaiting FIR.
— Reham Khan (@RehamKhan1) January 3, 2022
???????? pic.twitter.com/HSUtIRlABy
Thank you to @SaudKhan317 @ICT_Police @Spi9 for his professionalism. pic.twitter.com/3CaI5ulWeC
— Reham Khan (@RehamKhan1) January 3, 2022
ریحام خان کی ٹویٹس کے مطابق وہ اسلام آباد کے علاقے شمس کالونی کے تھانے میں موجود تھیں، لیکن واقعے کی ایف آئی آر نہیں درج کی گئی۔ جس کے بعد وہ سلسلہ وار ٹویٹس کرتی رہیں اور بالاخراپنی آخری ٹویٹ میں انہوں نے ایف آئی آر کی کاپی کی تصویر شئیرکرتے ہوئے بتایا کہ مقدمہ درج کرلیا گیا ہے۔
ان کے پرسنل سیکریٹری بلال عظمت نے انکشاف کیا کہ دراصل فائرنگ سے کچھ ہی دیر قبل ریحام خان اس گاڑی سے دوسری گاڑی میں منتقل ہوئی تھیں۔ اور گاڑی میں ریحام خان نہیں بلکہ بلال عظمت سوار تھے۔
ریحام خان کی ٹویٹ کے بعد لوگوں کی جانب سے ان کی خیریت دریافت کے لیے پیغامات کا سلسلہ شروع ہوگیا، جس پر انہوں نے بتایا کہ وہ خیریت سے ہیں۔