حکومت نے غریب عوام پر نیا بوجھ ڈال دیا

12:22 PM, 2 Sep, 2018

Sughra Afzal

(سٹی 42) نئی حکومت نے مہنگائی کی چکی میں پسی عوام پر گیس بم گرا دیا۔لاہور سمیت ملک بھر میں ایل پی جی کی قیمتوں میں اضافہ کردیا گیا جس کا نوٹیکفیشن بھی اوگرا نے جاری کردیا ۔

یہ بھی لازمی پڑھیں:نیوز بلیٹن 3بجے 14 نومبر2018  

 تفصیلات کے مطابق اوگرا نے ایل پی جی کی قیمت میں 4 روپے فی کلوگرام اضافہ کردیا جس کے بعد گھریلو سلنڈر50 روپے مہنگا ہونے کے بعد 1613 روپے کا ہوگیا ہے، اسی طرح کمرشل سلنڈر 206 روپے مہنگا ہوکر 6080روپے کا ہوگیا۔

چیئرمین ایل پی جی ڈسٹری بیوٹر ایسوسی ایشن عرفان کھوکھر کا کہنا ہے کہ ایل پی جی پالیسی 2016 کا ازسرنو جائزہ لینے تک قیمتوں میں یونہی اضافہ ہوتا رہے گا۔ ایل پی جی ڈسٹری بیوٹر ایسوسی ایشن قیمتوں میں اضافے کے سرا سر خلاف ہے۔

دوسری جانب صارفین نے ایل پی جی کی قیمتوں میں اضافے پر وفاقی حکومت کو شدید تنقید کا نشانہ بنایا ہے۔

 

مزیدخبریں