ویب ڈیسک : امریکی صدر جوبائیڈن نے کہا ہے کہ قطر نیٹو اتحادی نہ ہونے کے باوجود امریکا کا ایک اچھا دوست اور قابل اعتماد ساتھی ہے۔ صدر جوبائیڈن نے کہا کہ وہ قانون ساز اسمبلی سے قطر کو غیر نیٹو اہم اتحادی کا درجہ دلوانے کا کہیں گے اور یہ بہت پہلے ہی ہوجانا چاہیئے تھا۔
عالمی خبر رساں ادارے کے مطابق امیرِ قطر تمیم بن حمد بن خلیفہ الثانی صدر جوبائیڈن کی دعوت پر امریکا پہنچے جہاں دونوں رہنماؤں نے تاریخی ملاقات میں مشرق وسطیٰ کی سیکیورٹی، افغانستان میں انسانی بحران اور مغربی ممالک کو توانائی کے ممکنہ بحران پر تبادلہ خیال کیا۔اگر امریکی کانگریس قطر کو اہم ترین غیر نیٹو اتحادی کا درجہ دیتی ہے تو قطر کو امریکا سے خصوصی فوجی اور اقتصادی استحقاق حاصل ہوجائے گا اور امریکی اتحادی ممالک سے بھی تعلقات بہتر ہوجائیں گے۔
Today, I met with Amir Tamim bin Hamad Al Thani of Qatar. I designated Qatar as a Major Non-NATO Ally in recognition of our strong partnership over 50 years. We reaffirmed our unwavering interest in promoting security and prosperity in the Gulf and Middle East region. pic.twitter.com/OaSewjWFux
— President Biden (@POTUS) February 1, 2022
ملاقات کے دوران امریکی صدر جوبائیڈن نے قطر کو امریکا کا اچھا دوست اور انتہائی قابل اعتماد اتحادی قرار دیتے ہوئے اعلان کیا وہ قانون ساز اسمبلی سے قطر کو غیر نیٹو اہم اتحادی کا درجہ دلوانے کا کہیں گے اور یہ بہت پہلے ہی ہوجانا چاہیئے تھا۔غیر نیٹو اہم ترین اتحادی کا درجہ امریکا سے شاندار تعلقات کا طاقتور اظہار ہے جس کی بنیاد پر نیٹو اتحادی ممالک بھی اس درجے کے حامل ملک کو عزت اور حیثیت دیتے ہیں۔
President Biden named Qatar as a “major non-NATO ally” of the U.S., a designation that clears the way for greater security cooperation and investment in the Gulf nation at a time when Mr. Biden is seeking help boosting natural gas supplies in Europe. https://t.co/I1tlMSt9Pl
— NYT Politics (@nytpolitics) January 31, 2022
قطر نے افغانستان سے امریکی فوجیوں کی بحفاظت انخلا اور طالبان سے مذاکرات میں کلیدی کردار ادا کیا ہے جس کا امریکا معترف ہے اور اب روس کے یوکرائن پر ممکنہ حملے کے نتیجے میں پیدا ہونے والے توانائی کے بحران پر بھی امریکا کو مدد کی یقین دہانی کرائی ہے۔ واضح رہے کہ خلیجی ممالک میں کویت واحد ملک ہے جسے امریکا کا غیر نیٹو اہم ترین اتحادی کا درجہ حاصل ہے اور اب قطر دوسرا ایسا ملک ہوجائے گا۔