ایاز صادق سے زیادہ کوئی محب وطن نہیں، مریم اورنگزیب

(عمر اسلم) مسلم لیگ ن کی ترجمان مریم اورنگزیب کی سردار ایاز صادق کےخلاف بینرز لگانےکی پرزور مذمت  کرتے ہوئے کہا  ہے کہ سردار ایاز صادق سے زیادہ کوئی محب وطن نہیں۔

تفصیلات کے مطابق ماڈل ٹاؤن میں سٹی فورٹی ٹو سےپی ڈی ایم کے جلسوں اور تحریک پر بات کرتے ہوئےمریم اورنگزیب نےکہاکہ پارلیمان کی بالادستی ہونی چاہیے جبکہ پی ڈی ایم کی تحریک کامیاب ہو گی۔

انہوں نےکہاکہ سردار ایاز صادق کے حوالےسے تقریر پر وزرا کہہ رہے ہیں کہ حکومت اور شاہ محمود قریشی کی ناکامی ہے جبکہ غداری کے سرٹیفیکیٹ بند ہونے چاہیے، مال روڈ پر سردار ایاز صادق کے خلاف بینرز جو لگائے گئے ہیں اس پر مودی اور بھارت کے پرچم لگانے کی پرزورمذمت کرتےہیں۔ اگر ایسا ہے تو سردار ایاز صادق سے زیادہ کوئی محب وطن نہیں۔